logo

ព័ត៌មានដ៏មានប្រយោជន៍របស់ inDriver ស្ដីពីកូរ៉ូណាវីសរុស (COVID-19)

សុខភាពនិងសុវត្ថិភាពអតិថិជនរបស់យើងគឺជាគោលបំណងសំខាន់របស់យើងនៅក្នុងការប្រយុទ្ធប្រឆាំងនឹងការឆ្លងជំងឺកូរ៉ូណា (COVID-19)។

តាមព័ត៌មានចុងក្រោយបំផុតអំពីជំងឺកូរ៉ូណា យើងចង់ធានាថាអ្នកប្រើប្រាស់សេវា inDriver ទទួលបានព័ត៌មានច្បាស់លាស់ស្ដីពីវិធីដ៏មានប្រសិទ្ធភាពក្នុងការការពារជំងឺទាំងនៅពេលជិះ inDriver និងទាំងនៅក្នុងជីវភាពរស់នៅប្រចាំថ្ងៃ។

why safe

អំពីកូរ៉ូណាវីរុស (COVID-19)

COVID-19 គឺជាឈ្មោះជំងឺដែលបង្កឡើងដោយកូរ៉ូណាវីរុសថ្មី។

CO = កូរ៉ូណា, VI = វីរុស, D = ជំងឺ, 19 = 2019 - ឆ្នាំដែលគេរកឃើញជំងឺនេះជាលើកដំបូង។

កូរ៉ូណាវីរុសគឺជាអំបូរវីរុសដែលបង្កជាជំងឺស្រាលដូចជាជំងឺផ្ដាសាយធម្មតា និងជំងឺផ្លូវដង្ហើមធ្ងន់ធ្ងរជាងនេះដូចជាជំងឺសួតជាដើម។

យើងលើកទឹកចិត្តឲ្យអតិថិជនរបស់យើងទុកចិត្តលើព័ត៌មានដែលអាចជឿជាក់បានពីប្រភពផ្លូវការរបស់មជ្ឈមណ្ឌលបង្ការនិងគ្រប់គ្រងជំងឺ (CDC) និងអង្គការសុខភាពពិភពលោក (WHO)។

អ្នកអាចការពារសុខភាពរបស់អ្នក និងសុខភាពអ្នកនៅជុំវិញអ្នកដោយតាមដានក្បួនបង្ការងាយៗ និងមានប្រសិទ្ធភាព។

រក្សាអនាម័យជាមូលដ្ឋាន

លាងសម្អាតដៃដោយសាប៊ូជាញឹកញាប់ និងប្រើទឹកសម្អាតដៃដែលមានជាតិអាលកុលបន្ទាប់ពីប៉ះពាល់វត្ថុនានា។

រក្សាគម្លាតសុវត្ថិភាព

រក្សាគម្លាតសុវត្ថិភាពយ៉ាងតិច 3 ហ៊្វីតពីអ្នកផ្សេង ជាពិសេសប្រសិនបើពួកគេក្អក ឬមានជំងឺផ្ដាសាយ ក្ដៅខ្លួន ឬហាក់ដូចជាឈឺ។

ហាមប៉ះពាល់មុខរបស់អ្នក

បើអាច ហាមប៉ះភ្នែក ច្រមុះ ឬមាត់របស់អ្នក ពីព្រោះការធ្វើដូច្នេះងាយនឹងធ្វើឲ្យបាក់តេរីឆ្លងពីដៃទៅកាន់ខ្លួនរបស់អ្នក។

យកចិត្តទុកដាក់ខ្ពស់ចំពោះអនាម័យផ្លូវដង្ហើម

នៅពេលក្អក ឬកណ្ដាស់ ចូរខ្ទប់មាត់និងច្រមុះរបស់អ្នកនឹងក្រដាសអនាម័យ កន្សែងដៃ ឬកែងដៃរបស់អ្នក។ បោះក្រដាសអនាម័យនោះចោលក្នុងធុងសំរាមជាបន្ទាន់ ហើយលាងដៃនឹងទឹកកម្ចាត់មេរោគ ឬលាងដៃនឹងសាប៊ូ។

អនុវត្តគម្លាតសង្គម

ព្យាយាមចៀសវាងពីទីសាធារណៈ តំបន់ដែលមានមនុស្សច្រើន និងមធ្យោបាយដឹកជញ្ជូនសាធារណៈ។ ហាមចាកចេញពីផ្ទះប្រសិនបើមិនចាំបាច់៖ អ្នកមានទំនាក់ទំនងសង្គមកាន់តែតិច នោះអ្នកមានឱកាសឆ្លងជំងឺកាន់តែតិចដែរ។

ស្វែងរកការព្យាបាល

ប្រសិនបើអ្នកក្ដៅខ្លួន ផ្ដាសាយ ឬអស់កម្លាំង ឬពិបាកដកដង្ហើម ចូរស្វែងរកការព្យាបាលជាបន្ទាន់។ ហាមចាកចេញពីផ្ទះ ជាជំនួសចូរទូរសព្ទហៅគ្រូពេទ្យមកព្យាបាលដល់ផ្ទះ។

អនុសាសន៍សម្រាប់អ្នកដំណើរ

ជ្រើសរើសការជិះដោយប្រើ inDriver

ទុកឲ្យ inDriver នាំអ្នកទៅកាន់កន្លែងដែលអ្នកចង់ទៅ ជំនួសឲ្យការប្រើប្រាស់មធ្យោបាយដឹកជញ្ជូនសាធារណៈ និងការធ្វើឲ្យខ្លួនអ្នកប្រឈមនឹងហ្វូងមនុស្សច្រើន។

ប្រើវិធីការពារដែលមាន

ប្រើវីធីបង្ការដែលមានស្រាប់ដូចជាពាក់ម៉ាស ប្រដាប់ជំនួយដំណកដង្ហើម និងទឹកថ្នាំកម្ចាត់មេរោគមានជាតិអាល់កុល។

អនុសាសន៍សម្រាប់អ្នកបើកបរ

សម្លាប់មេរោគនៅក្នុងរថយន្តរបស់អ្នក

បើកទ្វាររថយន្តឲ្យត្រូវខ្យល់ឲ្យបានទៀងទាត់។ ជូតសម្អាតផ្ទៃនានាដោយក្រណាត់ជូតសម្លាប់មេរោគ ឬសារធាតុកម្ចាត់មេរោគច្រើនដងក្នុងមួយថ្ងៃ។ យកចិត្តទុកដាក់ចំពោះដៃទ្វារ ខ្សែក្រវាត់សុវត្ថិភាព និងគ្រឿងធ្វើពីស្បែកនិងលោហៈនៅផ្ទៃខាងក្នុងរថយន្ត។

ព័ត៌មានបន្ថែមអំពីអ្នកបើកបរ

ដោយសារតែកង្វះព័ត៌មានសម្រាប់អ្នកបើកបរ យើងបានបង្កើតគេហទំព័រដោយឡែកមួយដែលមានព័ត៌មានលម្អិតច្រើនជាង និងព័ត៌មានថ្មីៗ ការណែនាំ និងមតិយោបល់ដែលមានប្រយោជន៍។

យកចិត្តទុកដាក់ចំពោះខ្លួនឯង អ្នកជាទីស្រលាញ់ និងមនុស្សនៅជុំវិញអ្នក។

កូរ៉ូណានឹងកន្លងផុត ដោយធ្វើឲ្យយើងរឹងមាំជាងមុន និងកាន់តែរួបរួមគ្នាជាងពេលណាៗទាំងអស់!

កូរ៉ូណានឹងកន្លងផុត ដោយធ្វើឲ្យយើងរឹងមាំជាងមុន និងកាន់តែរួបរួមគ្នាជាងពេលណាៗទាំងអស់!